ЭМЯ сүүлийн 24 цагт 777 хүнээс Covid-19 халдвар илэрч, коронавируст халдварын улмаас архаг, хууч өвчтэй 10 хүн эндсэн гэж мэдээлэв. Ингэснээр коронавирусын халдвараар нас барсан тохиолдол улсын хэмжээнд 1.846-д хүрсэн байна. Шинээр илэрсэн тохиолдлын 571 нь нийслэлд, 206 нь орон нутагт бүртгэгджээ. Улсын хэмжээнд 9.331 иргэн эмнэлэгт, хөнгөн хэлбэрийн оноштой 21.248 хүн Өрхийн эмчийн хяналт дор гэрээр эмчлүүлж байна.
