Өвдөг нь сормуусны уутанцар болон сормуусны уутанцрын ойролцоо байрладаг цейсийн тосны булчирхайн хурц идээт үрэвсэл юм. Ийм үрэвслийг гаднах өвдөг ч гэж нэрлэдэг. Дархлаа сулрах, нүдэнд бохир орох зэргээс шалтгаалан өвдөг гардаг. Харин өвдөг гарсан үед манайхан эмчийн зөвлөгөөнд бус тусгай дом хийж эдгэрдэг гэдэгт илүү итгэдэг. Нэг талаараа өвдгийг эмчилдэг гэдэг ч анагаах ухааны талаасаа тийм ч оновчтой эмчилгээ биш юм. Энэ үүднээс та бүхэнд гэрийн нөхцөлд өвдгийг хэрхэн зөв бөгөөд хурдан эмчлэх тухай хүргэж байна.
1Бүлээн жин
Өвдгийг гарахаас өмнө урьдчилж мэдэж болох бөгөөд нүдний эргэн тойронд таталдах, өвдөх, загатнах гэх мэт шинж тэмдгүүд илэрнэ. Тиймээс өвдөг гарах гэж байгаа мэт дээрх шинж тэмдэг илэрч эхэлмэгц халуун жин тавих хэрэгтэй. Халуун жинг 10-15 минутаар өдөрт дөрвөн удаа тавиарай.
2Нүдний будаг бүү хэрэглэ
Сормуусны будаг, нүдний харандаа мэтийн нүүрний будгууд нь бактери үржихэд таатай орчин болдог. Тиймээс шаардлагагүй бол нүдээ будах гэсний хэрэггүй.
3Зовхио цэвэрлэ
Та зовхио байнга цэвэрлэснээр тэнд хуримтлагдсан нянгийн хэмжээг бууруулахаас гадна өвдөг гарсан газрыг түргэн эдгэрэхэд тусална.
4Линз зүүж болохгүй
Өвдөг гарсан үед контакт линзэнд халдвар дамжих эрсдэлтэй байдаг. Тиймээс эдгэрэх хүртлээ линз зүүхээс татгалзаарай.
5Өвдгөө битгий хөнд
Хэдий зовуурь их байсан ч өвдгөө битгий хөндөөрэй. Хэрвээ та өвдгөө хагалах юм бол шарх нь удаан эдгэхээс гадна арьсны төрөл бүрийн өвчин тусах магадлал өндөр.
6Өвчин намдаагч хэрэглэ
Өвчин намдаагч хэрэглэж өвдөгнөөс үүдэх зовууриа түр ч болов намдаах хэрэгтэй.
