Хүний метапневмовирусийн буюу hMPV халдвар дэлхий даяар түгээмэл тархаж эхэлжээ. Аз болоход hMPV нь шинэ эмгэг төрүүлэгч биш юм. Нэлээд түгээмэл амьсгалын замын вирус юм. АНУ-ын Өвчний хяналт, урьдчилан сэргийлэх төвийн сүүлийн үеийн мэдээллээс үзэхэд АНУ-д hMPV-ийн тохиолдол 2023 оны хоёрдугаар сараас дөрөвдүгээр сарын хооронд огцом өссөн байна. CDC-ийн мэдээлснээр КОВИД-19 тахлын өмнөх дөрвөн жилийн хугацаанд hMPV-ийн эерэг сорилын долоо хоног тутмын хувь гурав, дөрөвдүгээр сард долоо орчим хувиар дээд цэгтээ хүрсэн байна.
Хүний метапневмовирус буюу hMPV гэж юу вэ?
Энэ бол амьсгалын дээд болон доод замын өвчин үүсгэдэг нийтлэг вирус гэж Вандербилт их сургуулийн эрүүл мэндийн төвийн халдварт өвчний профессор, доктор Уильям Шаффнер “TODAY.com” сайтад ярьжээ. Уг вирус нь бүх насны хүмүүс, ялангуяа хүүхэд, өндөр настан, дархлаа султай хүмүүст нөлөөлдөг. Йелийн Анагаах ухааны сургуулийн Хүүхдийн халдварт өвчний дэд профессор, доктор Томас Мюррей “TODAY.com” сайтад өгсөн ярилцлагадаа "HMPV бол өвлийн сүүл, хаврын улиралд ихэвчлэн нэмэгддэг амьсгалын замын улирлын чанартай вирусийн нэг юм” гэжээ.
HMPV-ийн шинж тэмдэг:
-Нус гоожих
-Хоолой өвдөх
-Халуурах
-Ханиалгах
-Хамар битүүрэх
-Амьсгал давчдах
CDC-ийн дагуу зарим тохиолдолд hMPV халдвар нь бронхит эсвэл уушгины хатгалгаа болж хувирдаг байна.
Хүний метапневмовирус нь ханиад мөн үү?
Ханиад нь hMPV биш. Энэ нь hMPV-ийн шинж тэмдгүүд нь ихэвчлэн хөнгөн бөгөөд ханиадтай маш төстэй байдаг гэж Шаффнер хэлэв.
