Мэдээ, Онцлох|(2017-11-03 12:07)

Эрүүл мэндийн зөвлөгөө авах бол LIKE дарж бидэнтэй нэгдээрэй.


О.Сэргэлэн багштайгаа зэрэгцэн дэлхийн шилдэг мэс засалч боллоо

216576-25102017-1508901302-618530839-sergelen

Дэлхийн мэс засалчдыг нэгтгэж зангиддаг хамгийн том байгууллага бол American College of Surgeons юм. Уг байгууллагаас дэлхийн шилдэг таван мэс засалчийг жил бүр шалгаруулдаг билээ. Энэ жилийн хувьд 70 гаруй орны эрдэмтэн судлаачид нэр дэвшсэн бөгөөд шилдэг таван эрдэмтний нэгээр УНТЭ-ийн Элэг шилжүүлэн суулгах үндэсний багийн ахлагч, АШУҮИС-ийн Анагаах ухааны сургуулийн Мэс заслын тэнхимийн эрхлэгч, анагаахын шинжлэх ухааны доктор, профессор О.Сэргэлэн шалгарч, мэс заслын чиглэлээр монгол хүн дэлхийд эн зэрэгцэж чадахуйц оюуны чадамжтайг батлан харууллаа. Тэрбээр нэр хүндтэй уг шагналыг гардан авсан бөгөөд өчигдөр эх орондоо ирсэн юм. Энэ үеэр УНТЭ-ийн ерөнхий захирал Б.Бямбадорж “Манай багийн эрхэм хүмүүн маань дэлхийн хэмжээний том шагнал хүртсэнд маш их баяртай байна. “Мэс засалчдын Америкийн коллеж”- оос жил бүр тодруулдаг энэхүү шагнал бол бидэндээ Нобель юм. Эмч хүн судлаач байх ёстой бөгөөд энэхүү ажлын чансаа нь импакт фактор өндөртэй олон улсын сэтгүүлд хэр олон хэвлэсэн, хэр олон эрдэмтэн энэхүү судалгааны бүтээлээс ишлэл авч ашиглаж вэ гэдэг нь бас нэгэн үзүүлэлт болдог. Мөн эзэмшсэн арга барил, мэдлэгээ бусдад түгээн, олон сайхан чадвартай эмч нарыг хэр хөгжүүлж байгаагаар нь, мөн шавь нарых нь эмнэлзүйн амжилтаар, гадаад орны ижил мэргэжилтнүүдтэй жишсэн харьцуулалтаар тус тус үнэлдэг. Алтан үеийн эрхэм багш нар болох профессор Пэлжээгийн Долгор, Батын Гоош, БНСУ-ын АСАН анагаах ухааны төвийн профессор Sung Gyu Lee нар шилдэг багш юм шүү гэдгийг батлан харуулж байна. Ажилдаа эзэн, мэргэжилдээ мэргэн байж мяндсан ухаан, торгон мэдрэмжээ хөгжүүлэн бүхий л сэтгэлээ зориулан ажиллавал дэлхийд бид үнэлэгддэг гэдгийг харж байна” хэмээлээ. Дэлхийн шилдэг таван эмчийн нэг, УНТЭ-ийн Элэг шилжүүлэн суулгах үндэсний багийн ахлагч, АШУҮИС- ийн Мэс заслын тэнхимийн эрхлэгч, АШУ-ы доктор профессор О.Сэргэлэн “Миний бие Эрүүл мэндийн салбарт 36 дахь жилдээ ажиллаж байна. Анх 1982 онд Анагаах ухааны дээд сургуулийг төгссөн. Нэгдүгээр курсээсээ мэс заслын эмч болно гэсэн сэтгэл өвөрлөж гуравдугаар курсээсээ мэс засалд орж, төгсөхдөө бие даан өдөр болгон мэс засал хийдэг болсон. Энэ хүсэл мөрөөдөл маань үргэлжилсээр өнөөдрийн өндөрлөгт хүрсэндээ маш их баяртай байна. Багш нараараа, хамт олноороо маш их бахархаж, баярлаж байна. Хамгийн гайхалтай нь миний багш Ли болон профессорын багш Макучи профессортой зэрэгцэн уг шагналыг авах үед өөрөөрөө, Монгол Улсаараа, хамт олноороо бахархах сэтгэл өөрийн эрхгүй төрж байлаа” хэмээв.

У.ОД



Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх



1 + 6 =