Мэдээ|(2014-09-02 12:41)

Эрүүл мэндийн зөвлөгөө авах бол LIKE дарж бидэнтэй нэгдээрэй.


Монголд ургийн гаж хөгжил, хорт хавдар үүсгэх магадлалтай хүнсний нэмэлтийг ашиглаж байна

ОХУ, АНУ-д хүнсний үйлдвэрлэлд хэрэглэхийг хориглосон, хүний биед сөрөг нөлөөтэй хүнсний нэмэлт бүтээгдэхүүнийг бялуу, сүү, мах, гурилан бүтээгдэхүүн үйлдвэрлэдэг компаниуд ашиглаж байна гэж Нийслэлийн мэргэжлийн хяналтын газраас мэдээллээ.

Тус газраас хүнсний нэмэлт бүтээгдэхүүний чанар, аюулгүй байдалд хийсэн тандалт судалгаагаар үүнийг тогтоосон байна.

Тодруулбал, амт үнэр оруулах зориулалттай элэгний үйл ажиллагаанд нөлөөлдөг, ургийн гаж хөгжил үүсгэх эрсдэлтэй, амьсгалын замын эрхтэнийг цочроож багтраа өвчин үүсгэх нөхцөлийг бүрдүүлдэг, хавдар үүсгэх магадлалтай гэх мэт сөрөг үр дагавартай E123, 127, 952 гэсэн будагч бодисуудыг хүнсний үйлдвэрүүд хэрэглэж байгааг илрүүлжээ.

Манай улсад нийт 97 нэр төрлийн хүнсний нэмэлт хэрэглэж байгаагаас 80 гаруй хувь нь одоо мөрдөж байгаа “Хүнсний нэмэлтийн ерөнхий стандарт”-д огт тусгагдаагүй байна.

Тандалт судалгаанд:
-хүнсний 54 үйлдвэрийн 274 нэр төрлийн түүхий эд бүтээгдэхүүнд хэрэглэж байгаа 30 нэр төрлийн хүнсний нэмэлт,
-нийтийн хоолны 65 салбарт ашиглаж буй амтлагчууд,
-найрлагандаа хүнсний нэмэлт бодис агуулсан түүхий эд импортлон худалдаалж буй 2 аж ахуйн нэгжийн 43 нэр төрлийн бүтээгдэхүүнийг хамруулсан байна.

Хүнсний нэмэлт нь тэжээллэг чанаргүй, амт үнэр оруулах, биежүүлэх, хадгалах хугацааг сунгах гэх мэт зориулалттай юм.

Манай улсад нийт 97 нэр төрлийн хүнсний нэмэлт хэрэглэж байгаагаас 80 гаруй хувь нь одоо мөрдөж байгаа “Хүнсний нэмэлтийн ерөнхий стандарт”-д огт тусгагдаагүй байна.

Эдгээр 97 нэр төрлийн хүнсний нэмэлтийг тодруулбал, тарагны хөрөнгө, амт, үнэр оруулагчид цардуул, желатин, какао, хиамны бэлэн жор, исгэгч, чанаржуулагч, бялууны крем ба чимэглэл цэлцэгнүүр, шоколад зэргийн найрлагад 27 төрлийн будагч бодис, 7 төрлийн нөөшлөгч, 1 төрлийн исэлдэлтийн эсрэг бодис, 30 төрлийн өтгөрүүлэгч, тогтворжуулагч, 5 төрлийн хүчиллэг тохируулагч, 8 төрлийн амт сайжруулагч, 1 төрлийн чихэрлэг амт үүсгэгч, 8 төрлийн өнгө тогтворжуулагч орж байгаа аж.

Хүний биед сөрөг нөлөөтэй эдгээр хүнсний нэмэлтийг хэрэглэж буй компаниудад шаардлага хүргүүлсэн байгаа гэнэ. Тиймээс компаниудыг түр хугацаанд зарлахгүй аж. Ямартай ч бялуу, сүү, мах, гурилан бүтээгдэхүүн үйлдвэрлэдэг томоохон үйлдвэрүүд багтаж байгаа юм байна.

Албаны хүмүүсийн хэлж буйгаар хоёр хөршид хориглосон хүнсний бүтээгдэхүүнүүд манай улсын хилээр чөлөөтэй нэвтэрч байна гэдгийг онцолсон.

Учир нь жилийн өмнөөс мөрдөгдөж эхэлсэн Хүнсний тухай хуулийг хэрэгжүүлэхэд дагаж мөрдөх журам заалт байхгүйтэй холбоотой хэмээн үзэж байгаа аж.

Тиймээс хүнсний аюулгүй байдалд төр анхаарал хандуулан ажиллах хэрэгтэй байна гэдгийг хэлж байлаа.



Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх



7 + = 14