БЗХӨ|(2013-11-08 14:08)

Эрүүл мэндийн зөвлөгөө авах бол LIKE дарж бидэнтэй нэгдээрэй.


Заг хүйтэн (Gonorrhoeae)

Шээс бэлгийн замын эрхтэнүүдийн цилиндр бүхий салст эпителийг гэмтээж бэлгийн замаар халдварладаг өвөрмөц гонококкоор  ( NEISSERIA GONORRHAE ) үүсгэгддэг халдварт өвчнийг Заг хүйтэн гэнэ.Шалтгаан: Гонорея нь Neisseria gonococc-р үүсгэгддэг. Капсултай, хөдөлгөөнгүй, грамм сөрөг диплококк. Хос хосоороо байрладаг шош хэлбэртэй гаднаас нь харахад кофены үрийг санагдуулна. . Амьдрах тохиромжтой нөхцөл нь 36.5-37.8с +40с-д 3-5 цаг, +40-/+/41с-д үржил нь зогсоно. -20-/-/76с-д удаан хугацаагаар хадгалагдана. Чийглэг орчинд амьдрах чадвар өндөр, хүний биеийн гадна амьдрах чадваргүй. Нарны туяанд шууд үхнэ.
Халдварлах зам
1. БЭЛГИЙН замаар: – Гонококк гадаад орчны нөлөөнд их тэсвэр муутай, хүний бие махбодиос өөр орчинд амьдрах чадвараа алддаг учраас халдвар үндсэндээ бэлгийн хавьтлаар өвчтэй хүнээс эрүүл хүнд дамждаг.
2. ТӨРӨХ замаар: – заг хүйтэн өвчтэй эх амаржих үед хүүхдийн нүдний салст бүрхэвчинд гонококк орж өвчлүүлдэг.
3. АХУЙН замаар:  Маш ховор тохиолдолд заг хүйтэн өвчин бэлгийн бус замаар тухайн ялгадас нь хатаагүй байгаа бохирлогдсон бие угаах зүлгүүр, алчуур, хөтөвч, ор дэрний цагаан хэрэглэл, мөн заг хүйтэн өвчтэй эцэг эх гонококкоор бохирлогдсон гараараа хүүхэддээ халдаах зэргээр дамжин халдварлана.
Эрсдэлт хүчин зүйл: Бэлгийн олон хавьтагчтай байх, бэлгэвч тогтмол хэрэглэж заншаагүй байх, тохиолдлын бэлгийн хавьталд орох
Ангилал
-Өвчнийг явцаар нь:
1.    Шинэ (халдвар авсанаас хойш 2 сар хүртэл үргэлжилнэ)
2.    Архаг (2 сараас дээш хугацаагаар үргэлжилсэн. Өвчин бүдэгдүү явцтай өглөө шээхэд шээсний сүвээс дусал идээ гардаг)
3.    Шинж тэмдэггүй (Субъектив зовиургүй. Балархай ба огт шинж тэмдэггүй явагддаг )
-Ямар эрхтэнг хамарснаар нь:
1.    Шээс  бэлгийн замын доод хэсгийг хурцаар үрэвсүүлсэн.
2.    Шээс  бэлгийн замын дээд хэсгийг архагаар үрэвсүүлсэн.
3.    Нүдний салстыг үрэвсүүлсэн.
Гонококийн Халдварын  ангилал
1.    Шээс  бэлгийн замын хүндрэлгүй гонококийн халдвар
2.    Шээс  бэлгийн замын хүндрэлтэй гонококийн халдвар
3.    Шээс  бэлгийн замын болон бага аарцгийн эрхтэний гонококийн бус халдвар
Эмнэл зүй
Өвчилсөн үед таньд:
Шинэ цочмог хэлбэрийн үед:
Шээсний сүвээр загатгаж эвгүй оргих, шээхийн өмнө, шээх үед болон шээсний дараа өвдөнө, шээс ойр ойрхон хүрнэ. шээсний дараа дахин шээмээр санагдана.
Шээсний сүвийн гадна амсар улайж хавагнана, шээсний сүв, умайн хүзүүгээр идээт салсархаг ногоовтор туяатай   ялгадас гарна,  тэмтрэхэд шээсний сүвийн амсрын арьс халуун оргих бага зэрэг хөндүүрлэнэ. Харин архаг үрэвслийн үед өглөө идээрхэг ногоовтор ялгадас гарна.
Хурцавтар үед: Өвчний шинж тэмдэг үрэвслийн хурц явцыг бодвол багавтар, салсархаг идээрхэг ялгадастай, шээсний сүвний гадна амсарын үрэвсэл бага зэрэг, субьектив зовиур бараг байхгүй, бага зэрэг загатнаж, эвгүй оргино.
Балархай үед: Өвчний шйнж тэмдэг бүдэг ба бараг байхгүй. Ялгадас нь голдуу өглөө шээхэд салсархаг идээрхэг байна. Субьектив зовиургүй.
Архаг хэлбэр: Өвчлөөд 2 сараас дээш үргэлжилсэн. Халдвар авснаас хойшхи хугацаануудад өвчний явц бүдэгдүү байна. Өглөө шээсний сүвийн амсар хоорондоо наалдсан, шээхэд шээсний сүвээс салсархаг идээт ялгадас гарна.
Шинж   тэмдэггүй   хэлбэр:   Субьектив   зовиургүй,   шинж   тэмдэггүй явагдана.

Оношлогоо
Өвчтөний зовиураас үндэслэн лабораторийн шинжилгээний аргуудыг сонгоно.
Шинжилгээний гол зорилго нь өвчний шалтгаан болох бактерийг илрүүлэх юм. Бэлэг эрхтэнээс сорьц авч наалдац бэлтгэн, микроскопиор харж шинжилнэ.
Шаардлагатай тохиолдолд уретроскопи болон уретрографийн шинжилгээ хийнэ

Хүндрэл
1.   Баланит                 5.   Парауретрит              9.   И Морганит
2.   Баланопостит        6.   Простатит                  10.  Литтрейт
3.   Фимоз            7.   Эпидидимит             11. Үргүйдэл
4.   Тизонит            8.   Куперит

Эмчилгээ
Эмийн эмчилгээг заавал хийгдэхээс гадна хувь хүний ариун цэвэр, дэглэм баримтлалаас шалтгаалан өвчин архагших, хүндрэх эсэх нь шалтгаалдаг.  Эмэн эмчилгээг заавал шинжилгээ өгч, онош батлагдсан дараа эмчийн  зөвлөсний дагуу хийнэ.
Өөрийн хэрэглэсэн арийн цэврийн хэрэглэл, хувцасыг угааж цэвэрлэнэ. Бие засах болгоныхоо дараа гараа сайтар угааж цэвэрлэнэ.

Хоол:
•    Заг хүйтэн  өвчний эмчилгээ нь нянгийн эсрэг антибиотикуудыг хавсран хэрэглэдэг тул ходоод гэдэсний үйл ажиллагааг цочроох, үрэвсэл үүсгэх гаж нөлөөнүүд бий болох талтай. Иймд ходоод цочроох нөлөөтэй хоол хүнснээс татгалзаж, жигнэсэн, буцалгасан, халуун ногоогүй,  амин дэмээр баялаг, шим тэжээлтэй хоол хэрэглэх
•    Өдөрт 2-2.5 литр шингэн буюу түлхүү ус уух
Эмчилгээ хийлгэх явцад дараах зүйлсийг хориглоно:
•    Халуун ногоотой хоол
•    Гаазтай ундаа
•    Архи болон согтууруулах ундаа /Пиво, айраг, дарс, вино, гэх мэтбүх төрлийн архи архин бүтээгдэхүүн/
Түүнчлэн:
•    Нянгийн эсрэг эмчилгээ хийж дуустал өвчтөн бэлгийн хавьталд орохыг тэвчих
•    Морь унаж болохгүй
•    Бүжиглэж болохгүй

Урьдчилан сэргийлэлт:
Бэлгийн замын халдварт өвчний талаар мэдлэг мэдээлэлтэй болж, түүнээс урьдчилан сэргийлэх аргуудад суралцсанаар уг өвчнөөс 100 хувь сэргийлэх боломжтой. Бэлгийн олон хавьтагчаас татгалзах, найз залуу/нөхөр, найз бүсгүй /эхнэрдээ үнэнч байх, бэлгэвч тогтмол хэрэглэж занших



Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх



6 + 8 =